2022 жылдың 3 қараша күні №5, 16, 22 жалпы орта білім беретін мектептерінің кәсіби бағдар беру мамандары іс тәжірибемен бөлісу мақсатында "Мамандықтар әлемі, біз таңдаған жолдар!" тақырыбында аймақтық семинар-практикум өткізді.

2022 жылдың 3 қараша күні №5, 16, 22 жалпы орта білім беретін мектептерінің кәсіби бағдар беру мамандары  іс тәжірибемен бөлісу мақсатында  "Мамандықтар әлемі, біз таңдаған жолдар!" тақырыбында аймақтық семинар-практикум өткізді. Семинар барысында ата-аналар мен оқушыларға  жаңа мамандықтар туралы ақпарат беріліп, қызығушылық танытқан мамандықтарға қатысты кеңестер айтылды. Сондай-ақ, мамандар ата-аналармен балаларының таңдаған мамандықтары туралы ой бөлісіп, қызықты тренингтер жүргізді. Аудандық білім бөлімінің  әдіскері С.Раптаева кәсіби бағдар беруші мамандарды оқушыларға мамандық таңдау  туралы дұрыс шешім қабылдауға, қолдау көрсетуге шақырып, мектеп түлектеріне "Мамандық таңдаудан жаңылмай, өз өміріңіздің бір кірпішін дұрыс қалауыңызға тілектеспіз" - деген сөздерімен іс-шараны қорытындылады.