"Директордың қауіпсіздік сабағы" ұйымдастырылды

 «Кәмелетке толмаған жасөспірімдер арасында құқық бұзушылықтың алдын алу» екі айлығының жоспарына сәйкес мектеп директоры Г. Разакпаева «Директордың қауіпсіздік сабағын» ұйымдастырып, 9-сынып оқушыларымен "Жасөспірімдер арасында буллинг пен  кибербуллингтің алдын алу" тақырыбында қауіпсіздік сабағын өткізді.

Іс-шараның мақсаты – жасөспірімдер арасында құқық бұзушылықтың алдын алу, буллинг пен кибербуллингтің зияны туралы түсіндіру, сондай-ақ оқушылардың құқықтық сауаттылығын арттыру болды.

Сабақ барысында оқушыларға буллинг пен кибербуллинг ұғымдары жан-жақты түсіндіріліп, олардың түрлері, пайда болу себептері және салдары айтылды. Сонымен қатар, мұндай жағдайлардың алдын алу жолдары, қауіпсіз интернетті пайдалану ережелері, әлеуметтік желілердегі әдеп нормалары туралы кеңінен ақпарат берілді.

Директор оқушыларға кез келген қысым көрсету, қорқыту, мазақ ету әрекеттерінің заң алдында жауапкершілікке әкелетінін атап өтіп, қиын жағдай туындаған кезде мектеп әкімшілігіне, сынып жетекшісіне немесе ата-аналарға жүгіну қажеттігін түсіндірді.