2021-2022 оқу жылының 11 сәуір күні №2 Аспара жалпы орта білім беретін мектебінің 11-сынып жетекшісі А.Касимованың ұйымдастыруы

2021-2022 оқу жылының  11 сәуір күні  №2 Аспара жалпы орта білім беретін мектебінің 11-сынып жетекшісі А.Касимованың ұйымдастыруымен  мектеп бітіруші түлектерге мамандық таңдау, мамандықтарға деген ынта ықыласын арттыру, кәсіптік бағдар беру мақсатында Аспара ауылдық округінің әкімі Г.Ж. Оспанбековамен кездесу өтті. Кездесу барысында  Гаухар Жарасқызы оқушыларға: 
----   Мамандық таңдау- адам өміріндегі аса жауапкершілікті қажет ететін кезең. Өз өмірінде ойып орын алатын мамандық әлеміне сапар шегіп, қиялымен ақылына ерік бере отыра мамандық таңдайды. Кейде достарының таңдауына, кейбірі ата-ана ақылына сүйенеді. Тек ілуде бірі ғана жүрек үнін тыңдайды. Яғни мамандық таңдауда алдымен жүрекпен қалап,  денсаулық пен қабілетіне, одан соң қоғамға тиімділігін де саралаған жөн. Өздеріңіз көріп отырғандай мамандық таңдау — тағдырыңды таңдау деген сөз. Кейінгі өмірде өкінбейтіндей, өз қабілеті мен бейімділігіне сай кәсіп түрін таңдау. Бұл өте жауапкершілікті және маңызды іс. Мамандық таңдауда әр адам өзінің қызығушылығына, қабілетіне, бейімділігіне, қалауына сүйену керек – деп кеңес берді.