Тамақтандыру сапасына мониторинг жүргізу жөніндегі комиссия жұмысы туралы ақпарат

№2 Аспара жалпы білім беретін мектебінде тамақтандыру сапасына мониторинг жүргізу жөніндегі комиссия бір мезгіл тамақтандыруды ұйымдастыру деңгейіне бақылау жүргізді. Нәтижесінде, асхана санитарлық нормаға  сай. Бракераждық журналдар дұрыс жүргізілуде. Шикізат пен дайын тағамдардың жағдайына  бақылау жүргізілген. Ыстық тағам ас мәзіріне сәйкес дайындалған. Тәуліктік сынама алынған.
Ыдыстармен қамтылуы және ыдысжуатын бөлменің жай-күйі қанағаттанарлық деңгейде. Ыдыстар жеткілікті, ыдыс жуатын бөлме таза, әр ыдыс орынды қойылған, ыдыстардың беті жабық. Көкөніске, дайын өнімдерге, шикізаттарға арналған стеллаждар жасалынған және заттар нормаға сәйкес сақталынған. Қайнаған су бар. Шағымдар мен ұсыныс кітабы бар. 
Жеткізілген тамақ өнімдерінің сапасы қанағаттанарлық, тоңазытқыш- технологиялық жабдықтары жарамды және дайын тағамдардың сақтау мерзімдері өтпеген.