«Тамақтану мәдениеті»
№2 Аспара жалпы орта білім беретін мектебінде «Тамақтану мәдениеті» тақырыбында 4 сыныптар аралығында тәрбие сағаты өткізілді. Тәрбие сағатының негізгі мақсаты – оқушыларға дұрыс тамақтанудың маңызын түсіндіру, ас ішу кезіндегі мәдениеттілік пен тазалық ережелерін сақтауға үйрету, тағамды қадірлеу және салауатты өмір салтына баулу.
Тәрбие сағаты барысында оқушыларға тамақтану мәдениеті туралы түсінік берілді. Ас ішер алдында қолды жуу, үстелде дұрыс отыру, тамақты асықпай жеу, үлкендерді сыйлау, тағамды төкпей-шашпай жеу сияқты негізгі ережелер түсіндірілді. Сонымен қатар, дұрыс тамақтанудың адам денсаулығына тигізетін пайдасы туралы әңгіме жүргізілді.
Сабақ барысында әңгімелесу, сұрақ-жауап, пікір алмасу әдістері қолданылды. Оқушылар берілген сұрақтарға жауап беріп, өз ойларын еркін жеткізді. Тәрбие сағаты оқушылардың қызығушылығын арттырып, белсенділік танытуына мүмкіндік берді.
Тәрбие сағаты соңында оқушылар тамақтану мәдениетін сақтаудың маңызын түсініп, күнделікті өмірде қолдануға уәде берді. Іс-шара өз мақсатына жетті және оқушыларға тәрбиелік мәні зор болды.
