26 қазан күні №2 Аспара жалпы орта білім беретін мектебінің қазақ тілі мен әдебиеті пәнінің мұғалімі Бабалиев Әлімжан Абзалбекұлы «Шығармашыл мұғалімнің педагогикалық қызметі» тақырыбында шығармашылық есебін өткізді

26 қазан күні №2 Аспара жалпы орта білім беретін мектебінің қазақ тілі мен әдебиеті пәнінің мұғалімі Бабалиев Әлімжан Абзалбекұлы «Шығармашыл мұғалімнің педагогикалық қызметі» тақырыбында шығармашылық есебін өткізді. Өзара тәжірибе алмасу, шығармашылық ізденістерін ортаға салу мақсатында ұйымдастырылған бұл шараға аудандық әдістемелік кабинет меңгерушісі С. Т. Бопиева, қазақ тілі мен әдебиеті пәнінің әдіскері З. М. Досмұханбетова және аудан  мектептерінің қазақ тілі мен әдебиеті пәнінің мұғалімдері қатысты. Алғысөз сөйлеген мектеп директоры Б.К. Мамырбаев Бабалиев Әлімжан Абзалбекұлының жетістіктерін атап өтіп, семинар жұмысына сәттілік тіледі. Үздіксіз ізденіс пен табыстың нәтижесін ұсынған Бабалиев Әлімжан Абзалбекұлы шығармашылық есебінде Абай Құнанбайұлының «Ескендір» поэмасы тақырыбында  10- сыныппен қазақ әдебиеті пәнінен сабақ өтті.«Ойталқы» деп аталатын келесі кезеңде «Көркем шығарманы оқыту жолдары» тақырыбында педагог өз іс-тәжірибесімен бөлісті. Көркем шығарманы оқыту үшін қойылатын талаптар, оны талдаудың жолдары мен оқушылардың әдеби шығармаларды оқуға деген қызығушылықтарын ояту үшін жүргізіп жүрген әдістемелік жұмыстарын ортаға салды.«Мұхтар Әуезов және Абай әлемі» деп аталатын әдебие кеште заңғар жазушы М. Әуезовтің «Абай жолы» роман-эпопеясынан циклдар ұсынылды. Бала Абайдан дана Абайға дейінгі ұлы ақынның өсу жолын көрсеткен сахналық қойылымдарда Бабалиев Әлімжанның қазіргі шығармашылыққа баулып жүрген шәкірттері мен мектепті бітіріп кеткен шәкірттері өнер көрсетті. Ұрпақтар сабақтастығының әсем үлгісін көрсеткен әдеби кеште Абай әндері мен жырлары, М. Әуезовке арнау өлеңдер оқылды.