"Ішкі тыныштық-шынайы-бақыт" психологиялық кеш

Бақыт-сыртқы жағдайлардан емес, адамның өз ішкі дүниесінен басталады.  "Ішкі тыныштық-шынайы-бақыт" атты психологиялық кешіміз 7-сынып оқушылары мен ата-аналары арасында жүргізілді.  Оқушылар ата-аналарын түрлі-түсті шарлармен көңілді қарсы алды. Мектеп психологы: Мамырбаева З. ата-аналармен өз жұмысын таныстырып өтті. Балалар "Флешмоб" билеп, ән айтып, өздерінің дайындаған қысқаметражды "Ата-ана қадірін кеш түсінбе" тақырыбында көріністерін көрсетті. Әр ата-ана, балаларының кішкентай шынайы жүректерінен шыққан хаттарын  оқып, өз ойларын айтып, балаларын құшағына алып, мейірімділіктерін көрсетті. Кештің соңында аналарға мотивациялық стикерлер таратылып, әр ананың бүгінгі кештен алған әсерлерін тыңдап, ата-ана мен балалардың арасындағы әсем бір сұлулықты, махаббатты сезіндік. Бұл кештің мақсаты: Оқушы мен ата-ана арасындағы эмоционалдық байланысты арттыру, сынып ішіндегі сенімді атмосфераны қалыптастыру, тыңдай білу, бір-біріне қолдау көрсету дағдыларын дамыту. Мектеп психологы: Мамырбаева З.Б