Автоматтың оқжатарын жарақтау тәртібін үйрету

Тақырыбы: Автоматтың оқжатарын жарақтау тәртібін үйрету
09.01.2026ж Алғашқы әскери және технологиялық дайындық пәні аясында білім алушыларға автоматтың оқжатарын жарақтау тәртібін меңгерту мақсатында Аспара шекара бөлімшесі бастығының орынбасары лейтенант Тлеубаев Диас Қанатұлының қатысуымен  практикалық сабақ өткізілді. Сабақтың негізгі мақсаты – оқушыларға қарумен қауіпсіз жұмыс істеу ережелерін сақтай отырып, оқжатарды дұрыс әрі жылдам жарақтау дағдысын қалыптастыру.
Сабақ барысында:
автоматтың негізгі бөлшектері мен оқжатардың құрылымы таныстырылды;
оқ-дәрілерді тексеру және оларды оқжатарға салу реттілігі көрсетілді;
оқжатарды жарақтау кезінде қауіпсіздік талаптары (қаруды өзіне және өзгеге бағыттамау, оқ-дәріні дұрыс ұстау, артық күш қолданбау) түсіндірілді;
әрбір білім алушы оқжатарды жеке өзі жарақтап, практикалық түрде орындап көрді;
уақыт нормативтері мен қателіктер талданып, түзету жұмыстары жүргізілді.
Практикалық сабақ нәтижесінде оқушылар автоматтың оқжатарын жарақтау тәртібін толық меңгерді.