"Назар аударыңыз - балалар!" онкүндігі

«Назар аударыңыз – балалар» атты онкүндік жоспары аясында 4 «А» және 4 «Ә» сыныптарында «Жол ережелері» тақырыбында сынып сағаттары ұйымдастырылып, өткізілді.

Іс-шараның мақсаты – бастауыш сынып оқушыларына жол жүру ережелерін түсіндіру, жол белгілерін танып-білуге үйрету, жолда қауіпсіз жүріп-тұру дағдыларын қалыптастыру.

Сынып сағаттары барысында оқушыларға жаяу жүргіншілердің міндеттері, бағдаршам сигналдарының мағынасы, жол белгілерінің түрлері туралы түсіндірме жұмыстары жүргізілді. Сонымен қатар сұрақ-жауап, ойын элементтері және жағдаяттық тапсырмалар ұйымдастырылып, оқушылардың қызығушылығы арттырылды.

Оқушылар белсенді қатысып, жол ережелерін сақтау өз қауіпсіздіктері үшін маңызды екенін түсінді.