18 наурыз - Ұлттық киім күні

Мектебімізде Наурыз мейрамы аясындағы Наурызнама жоспарына сәйкес 18 наурыз – Ұлттық киім күні кең көлемде аталып өтті. Аталған күннің мақсаты – оқушылар мен ұстаздар арасында ұлттық киімдерді насихаттау, қазақ халқының мәдени мұрасын дәріптеу және ұлттық құндылықтарға деген құрметті арттыру.
Іс-шара барысында мектеп оқушылары мен мұғалімдері қазақтың дәстүрлі ұлттық киімдерін киіп, өзара сән үлгісін көрсетті.
Сонымен қатар, ұлттық киімдердің шығу тарихы мен ерекшеліктері туралы танымдық ақпараттар беріліп, көрме ұйымдастырылды. Оқушылар камзол, сәукеле, шапан, тақия сынды киімдердің мән-мағынасына тоқталып, олардың тәрбиелік маңызын түсіндірді.
Бұл күн оқушылардың ұлттық мәдениетке деген қызығушылығын арттырып, дәстүрге деген құрметін нығайтты.