"Интернет Қауіпсіздігі: өзіңді қорға!"

2026 жылдың 26 қаңтар күні әлеуметтік педагог Хасан Құралай Құрманғалиқызы 8 «А», «Ә» сынып оқушыларымен «Интернет қауіпсіздігі: өзіңді қорға!» тақырыбында ашық сабақ өткізді.

Сабақтың мақсаты – оқушыларға интернеттегі қауіпсіздік ережелерін түсіндіру, киберқауіптердің алдын алу, жеке ақпаратты қорғау дағдыларын қалыптастыру болды. Сабақ барысында оқушыларға интернеттегі алаяқтық, зиянды сайттар мен әлеуметтік желілердегі қауіптер туралы түсіндірме жұмыстары жүргізілді.

Сонымен қатар, түрлі жағдаяттық тапсырмалар мен пікірталас ұйымдастырылып, оқушылар өз ойларын еркін жеткізе білді. Сабақ қызықты әрі мазмұнды өтіп, оқушылардың белсенділігі жоғары деңгейде байқалды.

Ашық сабақ өз мақсатына жетіп, қатысушыларға пайдалы ақпарат берілді.