АТА-АНАЛАР ЖИНАЛЫСЫ ӨТКІЗІЛДІ.

N2 Аспара жалпы орта білім беретін мектебінде Қаңтар ҰБТ сынағының қорытындысы бойынша ата-аналар жиналысы өткізілді. Жиналыстың негізгі мақсаты – оқушылардың тест нәтижелерін талдау және алдағы негізгі ҰБТ-ға дайындық жұмыстарын жүйелеу болды.
📍Пән мұғалімдері әр пән бойынша орташа балл көрсеткіштерін таныстырып, оқушылардың жетістіктері мен қиындық туғызған мәселелерге тоқталды. Кейбір оқушылардың білім деңгейі жақсы нәтиже көрсетсе, кейбіріне қосымша дайындық қажет екені айтылды. 
📍Жиналыс барысында ата-аналарға балалардың оқу үлгерімін қадағалау,бақылау және қолдау көрсету қажеттігі айтылды.