25 мамыр күні №2 Аспара ЖОББМ «Түлек 2022-жаңа Қазақстанның ертеңі» тақырыбында соңғы қоңырау салтанатты жиыны өтті.

25 мамыр күні №2 Аспара ЖОББМ «Түлек 2022-жаңа Қазақстанның ертеңі»  тақырыбында соңғы қоңырау салтанатты жиыны өтті. Алғашқы сөз кезегін алған мектеп директоры Б. К. Мамырбаев 2021-2022 оқу жылында жеткен мектеп жетістігімен таныстырып, мектептің білім сапасының көрсеткіші 68 %-ды көрсеткенін атап өтті. Жиынға Аспара ауылдық округының әкімі Г. Ж. Оспанбекова, Жастар ресурстық орталығының директоры Ж. Жамалбек , аудандық білім бөлімінің әдіскері З. М. Досмуханбетова, Аспара өндірістік кооперативтің төрағасы Қ. С. Алмабаев және қамқоршылық кеңес төрағасы Н. Д. Байжұманов қатысып, түлектерге тілек білдірді. Жиын барысында 2021-2022 оқу жылын үздік, жақсы аяқтаған оқушылар, аудандық, облыстық байқаулардың жеңімпаздары мақтау қағаздарымен марапатталды. Ағымдағы оқу жылындағы оқушы жетістіктері мен белсенділігі сараптала келіп, «Білімді оқушы» аталымымен 11а сынып оқушысы Д. Бабалы, 10а сынып оқушысы А. Қуанышбек, 8а сынып оқушысы Б. Қанатұлы, «Белсенді оқушы» аталымымен 10а сынып оқушысы А. Тұрар, «Үздік оқырман» аталымы бойынша 4а сынып оқушылары А. Дүйсенбек пен А. Серікқызы бағалы сыйлықтармен марапатталды. Аталған оқушы аталымдары бойынша ауыл азаматтары Қ. Мұратбеков, М. Бөлтеков, Қ. Алмабаев  демеушілік жасады. 
                  Мектеп ұстаздарының бір жылғы еңбектерінің нәтижесін сараптай келе, мектеп рейтингісі бойынша І орынды қазақ тілі мен әдебиеті пәнінің мұғалімі Ә. Бабалиев, ІІ орынды көркем еңбек пәнінің мұғалімі Г. Батырбаева, ІІІ орынды көркем еңбек пәнінің мұғалімі С. Малдыбаева иеленіп, бағалы сыйлықтармен марапатталды. Мектептің қоғамдық өміріне белсене араласқан ұстаздар да білім бөлімінің алғыс хатым және кәсіподақ комитетінің тарапынан сыйлықтар берілді.

                                                                                                                 11-сынып оқушысы