«Дұрыс тамақтанудағы жемістер мен көкеністердің маңыздылығы» ақпараттық сағат

«Дұрыс тамақтанудағы жемістер мен көкөністердің маңыздылығы» тақырыбында өткізілген ақпараттық сағатты биология пәнінің мұғалімі Г. Альжанова жүргізді. 

Іс-шараның мақсаты – оқушыларға дұрыс тамақтанудың негіздерін түсіндіру, жемістер мен көкөністердің адам ағзасы үшін маңызын ашу, салауатты өмір салтына тәрбиелеу. Ақпараттық сағат барысында мұғалім жемістер мен көкөністердің құрамындағы дәрумендер, минералдар мен талшықтардың денсаулыққа пайдасы туралы мағлұмат берді. Иммунитетті нығайту, ас қорыту жүйесінің жұмысын жақсарту және түрлі аурулардың алдын алудағы рөлі түсіндірілді. Оқушылар белсенді қатысып, сұрақтарға жауап беріп, өз ойларымен бөлісті. Іс-шара танымдық әрі тәрбиелік мәні жоғары болды.