Жазғы мектеп – білім мен біліктің ортасы

               26 мамырдан басталған «Жазғы мектеп» жұмысы аяқталуға жақын қалды. Білім сапасын арттыру және пандемия, шектеу шаралары кезеңінде жіберілген білім олқылықтарының орнын толтыру мақсатында ата-аналардың немесе заңды өкілдердің өтініші бойынша барлық ниет білдірген білім алушылар үшін ұйымдастырылған Жазғы мектеп жұмысы өте тиімді болды. Жазғы мектепке 154 оқушының ата-анасы өтініш білдірді. Оқушылар белсенді қатысты. Сабақтар дәстүрлі форматтан өзге саяхат сабақтар, ойын сабақтарымен алмастырылды. Жазғы мектеп барысында барлық санитарлық талаптар сақталды. Оқушы қызығушылығына сай ұйымдастырылған сабақтарға оқушылар асқан белсенділікпен қатысты.