Балалар кітаптарының сиқырлы әлеміне қош келдіңіздер!  Ұлттық кітап күніне орай ұйымдастырылған көрме — қиялға қанат, ойға шабыт сыйлайды.  Әр кітап — жаңа әлем, әр бет — жаңа ертегі.  Балалар үшін білім мен армандардың бастауы осында!  Кітаппен дос бол — болашағың жарқын болсын!

№ 2 Аспара жалпы орта білім беретін мектебінде кәсіптік бағдар беру бағыты бойынша 10 - сынып жетекшісі Ә. Нілдібаева   “Мамандық пен ең бек таңдауы болашаққа бастар жол  ”  тақырыбында тәрбие сағаты н өткізді.  Мақсаты:   Оқушыларға мамандық таңдаудың маңыздылығын түсіндіру, өз қабілеті мен қызығушылығына сай еңбек жолын дұрыс таңдауға бағыт беру, еңбекке деген құрмет сезімін қалыптастыру және болашаққа саналы қадам жасауға тәрбиелеу.

Бүгін "Аутодеструктивті мінез-құлықты алдын алу" тақырыбында ата-аналармен жиналыс өткізілді. Іс-шараның негізгі мақсаты- ата аналардың бала тәрбиесіне деген жауапкершілігін арттыру және балалардың психологиялық жағдайына назар аудару болды. Кездесу барысында ата-аналар өз пікірлерімен бөлісіп, мамандар тарапынан бала тәрбиесінде жиі кездесетін қиындықтарды шешу жолдары ұсынылды.  

 6–9 сынып оқушылары арасында «Жалғыздықты сезіну шкаласы» әдістемесі жүргізілді.  Мақсаты: Оқушылардың жалғыздықты сезіну деңгейін анықтау, олардың психологиялық жағдайын бағалау және әлеуметтік-психологиялық қолдау көрсетуге бағытталған жұмыстарды жоспарлау. Сонымен қатар, сыныпта жағымды психологиялық ахуал қалыптастыру және оқушылар арасындағы қарым-қатынасты нығайту.

Балалар кітапханасы жобасы аясында №2 Аспара жалпы орта білім беретін мектебінде «Кітап – сарқылмас рухани қазына» тақырыбында танымдық іс-шара өткізілді. Іс-шараның мақсаты – оқушылардың кітап оқуға деген қызығушылығын арттыру, рухани-адамгершілік құндылықтарды насихаттау, сондай-ақ кітаптың адам өміріндегі маңызын түсіндіру болды.

2026 жылғы 31 наурыз  күні Аспара шекара бөлімшесі бастығының орынбасары лейтенант  Е.М. Нұрмұханов  11 сынып оқушыларымен мемлекеттік шекараны күзетудің техникалық құралдары және  Әскери оқу орындары мен  мерзімді әскери қызметті атқару  тақырыптарында сұхбат өткізді.

АТА-АНАЛАР ЖИНАЛЫСЫ ӨТКІЗІЛДІ.  19 наурыз күні мектебімізде білім сапасын арттыру және оқушылардың оқу жетістіктерін жүйелі бағалау мақсатында білім алушылардың білім жетістіктерін мониторингі (ББЖМ) бойынша ата-аналар жиналысы өткізілді. Жиналыстың негізгі мақсаты – ата-аналарға ББЖМ-ның мазмұны, ерекшеліктері мен маңыздылығы туралы толық ақпарат беру, сондай-ақ оқушылардың дайындық деңгейін арттыру жолдарын түсіндіру болды. 📍Жиын барысында мектеп әкімшілігі мен пән мұғалімдері ББЖМ-ның

Жоспарға сәйкес мектеп психологы әлеуметтік педагогпен, медицина қызметкерлерімен, құқық қорғау органдарынң мамандарымен және басқа да тиісті ұйым өкілдерімен бірлескен жұмыстар жүргізді.  Мақсаты: Білім беру ұйымы мен басқа да органдар мамандары арасындағы өзара ынтымақтастықты нығайту, оқушылардың психологиялық, әлеуметтік және құқықтық мәселелерін бірлесіп шешу, профилактикалық жұмыстардың тиімділігін арттыру және қолайлы білім беру ортасын қалыптастыру.

1-СЫНЫПҚА ҚАБЫЛДАУ БОЙЫНША АТА-АНАЛАРМЕН ТҮСІНДІРУ ЖҰМЫСЫ ЖҮРГІЗІЛДІ. 18 наурыз күні мектепалды сынып оқушыларының ата-аналарына 1- сыныпқа қабылдау бойынша ақпараттық түсіндіру жұмыстары жүргізілді. Мектепке қабылдау үшін қажетті құжаттар тізбесімен таныстырылып, ата-аналарға тізімдеме берілді. Өтініш беру, құжат ұсыну форматы бойынша да айтылып, қадамдары түсіндірілді.